Eusko Jaurlaritzaren Kontseiluak Euskadiko Trantsizio Energetikoaren eta Klima Aldaketaren Legearen proiektua onartu du maiatzean. Lege horrek, Euskadiko klima-aldaketari buruzko lehenak, esparru juridiko egonkor bat ezartzen du, erantzukidetasunaren bidez deskarbonizazioa bizkortzeko.
Legeak, Euskadin klima-aldaketari heltzen dion lehenak, gizarte osoa hartzen du eraginpean, eta esparru juridiko egonkor bat ezartzen du, erantzukidetasunaren bidez deskarbonizazioa bizkortzeko. Horretarako, beharrezkoa da trantsizio justu eta iraunkor bat egitea, herritar guztiei helduko diena eta ekitatea eta elkartasuna bermatuko dituena, sektore ekonomiko, lurralde eta biztanleria ahulenetan arreta jarriz, generoaren, adinaren edo dibertsitate funtzionalaren ikuspegiak kontuan hartuta.
Lege-proiektu honek hainbat jarduera aurreikusten ditu, besteak beste:
1- Eraginkortasun energetikoko eta berriztagarrietako betebeharrak, enpresentzat, etxeentzat, administrazioarentzat eta gainerako kontsumitzaileentzat.
2- Herri-administrazioetatik energia-iturri berriztagarriak sustatzea.
3- Energia biltegiratzearekin lotutako proiektuak sustatzea.
4- CO2 atzitzea eta biltegiratzea ahalbidetzen duten ekimenak.
5- Mugikortasun iraunkorreko planak.
6- Sektore- eta lurralde-politika espezifikoak.
Gainera, onartutako proiektuak hainbat ekimen jasotzen ditu:
1- Trantsizio Energetikorako eta Klima Aldaketarako Ekimenen Euskal Erregistroa. Bertan, erakunde publikoek edo pribatuek klima-ekintzako jarduerak inskribatuko dituzte.
2- Lurralde osoaren helburuak lortzen lagunduko duten klima- eta energia-planak.
3- Trantsizio Energetikorako eta Klima Aldaketarako Bulegoa sortzea.
4- Herritarren partaidetzarako organoak: Trantsizio Energetikoaren eta Klima Aldaketaren aldeko Itun Soziala, Euskadiko Trantsizio Energetikoaren eta Klimatikoaren Herritarren Batzarra, Trantsizio Energetikoaren eta Klima Aldaketaren Batzordeak eta antzeko erakundeak.
5- Aurrekontu publikoetan ikuspegi energetikoa eta klimatikoa txertatzea.
