Aste honetan hasi dugu Oarsoaldean ekonomia zirkular baterako trantsiziorako BIRATU proiektua. Ivan de Torresek eta Haizea Agirrek bi formazio saio eman dizkiete Oarsoaldea Garapen Agentziako teknikariei, ekonomia zirkularraren kontzeptu teorikoak errepasatu eta Oarsoaldea eskualdeko enpresetan lehiakortasun zirkularraren ikuspegia aplikatzeko aukerak aztertuz.
Datozen hilabeteetan hainbat sektoretako enpresak bisitatuko ditugu, NAIDERen CICLO metodologia aplikatzeko eta ekonomia zirkularraren ikuspegiaren bidez lehiakortasuna areagotzeko ekintza zehatzak identifikatzeko.
