Jokin Etxebarria, NAIDEReko Ekonomia eta Berrikuntzako koordinatzaileak, gonbidatutako hizlari gisa parte hartu du gaur BlueAdapt Safe and Healthy Seas Innovation Workshop-ean, itsaso seguruagoen eta itsasertzeko komunitate erresilienteagoen aldeko berrikuntzaren inguruan ikertzaileak, enpresak, politika publikoetako erantzuleak eta erakunde herritarrak bildu dituen lineako topaketa batean.
Building Innovative Territories Around the Blue Economy izenburupean, Jokinek itsasertzeko lurraldeen garapenerako NAIDERen ikuspegia aurkeztu du —planifikatu, ezarri eta ebaluatu— Uribe Kostako Plan Estrategikoa erreferentziako kasu gisa hartuz, jarduera maritimoak eta baliabide naturalak uztartzen dituen itsasaldeko eskualde bat.
Workshopean itsasertzeko berrikuntzako ikertzaile eta erreferentziazko erakundeak parte hartu dute, besteak beste BC3 – Basque Centre for Climate Change —NAIDERek Uribe Kostako One Health Living Lab-ean lankidetzan ari den erakundea—, University of Exeter, Bangor University eta University of Warsaw, baita CLIMOS, TRIGGER edo CATALYSE bezalako Europako proiektuak ere.
