IHOBEk, Ingurumen Jarduketarako Euskal Sozietate Publikoak, NAIDERi eman dio Naturan Oinarritutako Konponbideak (NBS ingelesezko sigletan) dituzten esku-hartzeen gida digitala sortzeko ardura. Web-tresnak Euskadin eskuragarri dauden praktikei buruzko informazio egituratua bistaratzeko aukera emango du, eta NBSrekin egindako esku-hartze berriekin etengabe eguneratzeko konfiguratuta egongo da.
KLIMA 2050 Klima Aldaketaren Euskal Estrategia 2015ean onartu zenean, NBSak politika publiko koordinatu eta finantzatu bilakatu ziren Euskadin. Ondoriozko hedapen-politiken ondorioz, IHOBEk hainbat tresna eta zerbitzu prestatu ditu eragile eta administrazio publikoei laguntzeko NBSak beren eskumenen esparruan integratzen. NBSrekin egiten diren esku-hartzeak gero eta ohikoagoak izango direlakoan, web tresna bisual bat sortuko da.
Irudi nagusia: Wolfgang Hasselmann Unpslash-en
