Eusko Jaurlaritzako Osasun Sailak NAIDERen laguntza du Euskadiko Osasun eta Ingurumen Behatokia diseinatu eta garatzeko. Behatokia sortzea Osasuna eta Ingurumena kudeatzeko arloen helburu komuna da, eta aukera emango du ingurumen-inpaktuak hobeto ulertzeko eta Euskadiko biztanleen bizi-kalitatea hobetzeko erabakiak hartzeko eta politika eraginkorrak ezartzeko.
Euskadiko Osasun eta Ingurumen Behatokia sortzeko beharra EAEn osasunaren eta ingurumen-politiken arloan erreferentzia diren bi tresna estrategikotatik sortu da: Euskadi 2030 Osasun Plana eta 2030 Ingurumen Esparru Programa. Euskadi 2030 Osasun Plana hurrengo urteetan garatu beharreko osasun-politikak definitzen dituen ibilbide-orria da, Euskadi osasuntsuago bat gidatzeko. Era berean, Euskadiko Ingurumen Esparru Programak ingurumen-politiken zuzendaritza ezartzen du hamarkadaren amaierara arte, 2030erako lurralde iraunkorrago baterantz.
Irudi nagusia: Andrzej Machnik, Unsplash
