NAIDERek Planeación, Desarrollo & Territorio (CPDyT) erakundearekin lankidetzan dihardu (Mexikon lurralde-plangintzan erreferente den enpresa da), Villaldama, Lampazos de Naranjo, Anáhuac eta Nuevo Laredo geltokien inguruko Lurralde Antolamendu eta Lurzoru Kudeaketa Azterlanak egiten, Nuevo León eta Tamaulipas estatuetan. Lanak Mexikoko Gobernuaren Secretaría de Desarrollo Agrario, Territorial y Urbano (SEDATU) delakoarentzat egiten dira, Trenbide Programa Nazionalaren esparruan.
Trenbide-azpiegitura berriak ezartzeak hiri- eta ekonomia-eraldaketarako aukerak zabaltzen ditu, baina lurzoruaren erabilera eta balioari, hiri-hazkundeari, mugikortasunari eta lurralde-artikulazioari lotutako erronkak ere planteatzen ditu. Azterlanei esker, dinamika horiek aurreikusi ahal izango dira eta geltoki berriak beren inguruneetan integratzeko bidea zehaztuko da.
CPDyTk koordinatutako taldearen barruan, NAIDERek bere lurralde-plangintzako, hiri-garapeneko eta gizarte-ekonomia-analisiko esperientzia ekartzen du, besteak beste, Garraiora Bideratutako Garapenaren (GBG) erreferenteen analisian, lurralde-ekonomian eta lurzoruaren erabileretan, etorkizun-eszenatokien eraikuntzan eta lurralde-integraziorako estrategietan, eta ezarpenerako ibilbide-orria zehazterakoan.
