Txorierri eskualdeko (Bizkaia) Enpresa Jarduketarako eta Elkarlaneko Gobernantzarako Plan Estrategikoaren aurkezpen-jardunaldian parte hartu dugu gaur, eta EGAZ Txorierri ekonomia sustatzeko zerbitzuarekin lankidetza estuan aritu gara, Txorierri ibarreko funtsezko eragileek eta interes-taldeek parte hartu duten prozesuan.
EGAZek eta Derio, Larrabetzu, Lezama, Loiu, Sondika eta Zamudioko udalek antolatu dute ekitaldia, eta honako hauek parte hartu dute: Cristina Múgica, Bizkaiko Foru Aldundiko Lurralde Lehiakortasuneko eta Turismoko zuzendari nagusia; bailarako udalerrietako alkateak; Euskadiko Teknologia Parkeko ordezkariak Bizkaian; Innobasque – Berrikuntzaren Euskal Agentziako ordezkariak; eta eskualdeko enpresa- eta berrikuntza-ekosistemako beste eragile garrantzitsu batzuk.
