Sara Soloaga eta Aitor Mingo gure lankideek 4/2019 Jasangarritasun Energetikoaren Euskal Legeari eta Bizkaiko Foru Aldundiaren Energia Jarduketaren Plan Orokorrari buruzko prestakuntza-ikastaro bat eman dute, arau hori betetzeko. Hiru orduko bi saiotan (euskaraz eta gaztelaniaz, hurrenez hurren), NAIDERek jasangarritasun energetikoaren hobekuntzan jarduteko beharra eta BFAren barruan jorratu nahi den modua azaldu die Aldundiko barneko langileei.
Saioetan, krisi klimatikoaren kausak eta ondorioak eskala guztietan zein diren azaldu da, bai eta araugintzaren eta ekintza klimatikoaren testuinguruak nazioarteko instantzietatik diputaziora izan duen bilakaera ere. Jakina, gainera, xehetasunez jakin ahal izan dute zer betebehar jasotzen dituen 4/2019 Legeak eta nola betetzen diren betebehar horiek Aldundiaren Energia Jarduketarako Planaren bidez: NAIDERek garatu ahal izan genuen plana, Aldundiko Natura Ingurunearen eta Iraunkortasunaren Sailarekin lankidetzan, eta Aldundiaren barruan energia-trantsizioa gidatzea du helburu. Edukiz biziak izan diren bi jardunaldi izan dira, baina administrazio publikoak nazioarteko klima-helburuak betetzea ahalbidetuko duen trantsizioa gidatzeko ezarri behar dituen urrats zehatzak sakonki ezagutzeko aukera eman dute.
