Uribe Kostako (Bizkaia) Udalen Sustapen Ekonomikorako Laguntza Zerbitzua den Uribe Kostako Behargintzarekin batera, Enpresa Ekosistemaren Diagnostikoa eta Eskualdeko Sustapen Ekonomikorako Aukera Lurraldeen Identifikazioa egin ditu Naiderrek.
Prozesuak eskualdeko eragile nagusien parte-hartze aktiboa izan du, Mankomunitatearen orientazio estrategikoa, udalerri guztietako udalbatzen inplikazioa eta lurraldeko enpresa eta eragile instituzional nagusien lankidetza nabarmenduz.
Proiektuan zehar hainbat jarduera egin dira, besteak beste, elkarrizketa sakonak Mankomunitateko arduradunekin, enpresa-arloko arduradunekin eta eskualdeko beste erakunde instituzional batzuetako arduradunekin. Horrez gain, diagnostikoa egiaztatzeko galdeketa eta tailer bat egin dira udal-ordezkariekin. Ekintza horien osagarri, aldagai sozioekonomiko garrantzitsuenak aztertu dira, eta eskualdeko lehiakortasunean eragiten duten joera global nagusiak identifikatu dira.
Diagnostiko estrategikoa Bizkaiko Foru Aldundiko Ekonomia Sustatzeko Sailak eta Uribe Kostako Mankomunitateak elkarrekin antolatutako ekitaldi batean aurkeztu zen. Aurkezpen horretan, industria-jardueraren eta zerbitzu aurreratuen sustapena indartzearen garrantzia azpimarratu zen, eskualdeko eredu ekonomikoa eraldatzeko palanka gisa, eta egoitza-bizitzaren kalitate handia aberastasuna eta kalitatezko enplegua sortzearekin bateratzeko.
