NAIDERrek martxoaren 12an egindako One Health Living Lab (OHLL)-eko lan-saio berri batean parte hartu du. Lankidetza-gune honek ikuspegi integratu batetik —gizarte-, ingurumen- eta klima-faktoreak uztartuz— osasunaren eta ongizatearen inguruko irtenbide berritzaileak bultzatzea du helburu.
Bigarren tailer honek 2025eko ekainean hasitako prozesuari jarraipena ematen dio; orduan, lurraldeko eragileen arteko entzute- eta diagnostiko partekatua landu zen. Oinarri horretatik abiatuta, azken saioak ekimen zehatzak aktibatzeko aurrerapausoak ematea ahalbidetu du, erakundeen, ezagutza-zentroen eta eragile sozioekonomikoen arteko lankidetza indartuz.
Jardunaldia lan-mahaien eta kontraste-guneen bidez egituratu zen, eta bertan esperientziak partekatu, behar komunak identifikatu eta One Health ikuspegiaren inguruan lankidetza-aukera berriak aztertu ziren.
Testuinguru honetan, NAIDERrek Living Lab-eko aurrerapenak Uribe Kostan bultzatzen dituen lurralde-garapeneko estrategiekin lotuz egin du bere ekarpena. Alde batetik, Uribe Kosta 2026–2036 Plan Estrategikoa, lehiakortasuna eta ongizatea ekonomia urdina, digitalizazioa, zaintza-ekosistema edo kostaldeko energia-trantsizioa bezalako aktiboetan oinarrituta planteatzen dituena. Bestetik, Arpillao-ren suspertze estrategikoa, zientzia, lurraldea eta jarduera ekonomikoa lotzeko gai den berrikuntza urdinaren nodo gisa ulertuta.
Bi proiektuek logika bera partekatzen dute: lurraldeko erronkak berrikuntza-aukeretan bihurtzea, ezagutza zientifikoa, plangintza estrategikoa eta tokiko ekintza uztartuz. Testuinguru honetan, One Health ikuspegiak balio handiko markoa eskaintzen du osasun publikoa, ekosistemak eta lurralde-garapena modu integratuan lantzeko.
NAIDERrek lanean jarraitzen du lurraldeko eragileekin batera, Uribe Kosta Atlantikoko Arkuan berrikuntza urdinaren eta osasunaren ekosistema gisa sendotzeko, ikerketa, enpresak eta komunitatea lotuz, garapen-eredu erresiliente eta jasangarriago baten alde.
NAIDERretik eskerrak eman nahi dizkiegu PIE – Plentziako Itsas Estazioa-ri ekimen honetan parte hartzera gonbidatzeagatik, eta BC3 – Basque Centre for Climate Change-ko taldeari saioa dinamizatzeagatik.
